【限時抗疫優惠】7天限定!推介良心食店外賣自取優惠!

今晚開始,政府似乎識穿了病毒活躍時間,除了收緊4人限聚之外,更於開埠以來宣布7天內停止6pm後餐飲堂食(不過又有乜乜食堂又例外),意味市面上食店再次步入寒冬,放題店、燒肉店、火鍋店首當其衝。因此多間食店都推出期間限定晚市外賣自取優惠,希望吸引更多食客,減少經營上損失。小編整理了幾間良心經濟圈中的外賣自取優惠令大家外賣都食得稱心愉快!

大渣哥茶記-晚上6點後原價全單半價!

大渣哥茶記原先打算7天抗疫,適逢政府規定停止晚市堂食,預計捐失一半以上營業額,原先打定輸數減少入貨,供應商、parttime 員工都苦不堪言,經研究後決定「蝕住做」,一連7日每晚6點開始,於大渣哥茶記到店自取外賣,即享原價全單半價,例如店內人氣鮮茄焗豬扒飯,半價後只售HKD$35,價錢彷如回歸廿年前!

大渣哥茶記Menu上有多款香港茶餐廳美食,今次因堂食停晚市,推出自取外賣半價優惠。

【渣哥和你癲】聽晚開始,全港食肆將會步入更寒冬,面對史無前例第一次禁止夜市堂食,今日開緊急會議商討對策。出品部主管:生意額至少下跌一半,我哋唯有向供應商減少入貨量,其中一位供應商係老人家,今日喺電話度話我哋係佢主要客戶,講到想喊咁…

渣哥 一九九六發佈於 2020年7月14日星期二

牛角/牛角次男坊-外賣最平6折燒肉/7折燒肉丼!

自年初抗疫,牛角系列多次推出燒肉丼、燒肉拼盤外賣,自帶餐盒更享最低6折優惠。於牛角order牛角燒牛肉飯最平HKD$49就有交易。如果大家心郁郁想回家燒肉的話,可考慮自備餐盒6折購買燒肉套餐,4人前都係HKD$600有找,可以買回家安心食。

牛涮鍋/溫野菜-HKD$49食到1人前牛肉鍋/返屋企打邊爐最平6折!

自香港疫情發生第一宗「邊爐家族」,火鍋店首當其衝,即使未有限聚令年初生意亦大插水,牛涮鍋及溫野菜將同期推出自備餐盒購買火鍋料6折,肉類高質分分鐘比到超市入手更抵食!同時,牛涮鍋亦有一人前牛肉鍋外賣,最平HKD$49就食到。

柳氏家鐵板雞專門店-HKD$57韓國炒雞!

柳氏家源於韓國釜山,於當地有多間分店。「帶回家系列」推介即時韓國炒雞,用自備餐具購買2人份炒雞只需$HKD57,確是斬料加餸之選。

始創於1981年,是韓國最有名的鐵板雞連鎖店之一。目前在韓國有上百家連鎖店,韓國任何商業區幾乎都能找到柳氏家身影。鐵板上加入鮮嫩雞肉、蔬菜,加上柳家祕製醬料,鐵板滋滋聲,只聽聲音真是令人好治癒

和平飯店-自備餐盒外賣7折!

想食中式炒飯小菜,可以自備餐盒7折購買和平飯店的出品。

無言宣布取消:https://www.facebook.com/234282496595142/posts/3233973509959344/香港歷史上沒有出現過全香港食肆都停止堂食供應, 相信外賣需求會激增,…

黃傑龍 Simon – 窮富翁 好人好事發佈於 2020年7月14日星期二

九份茶舍-持黃店單據飲品半價

九份茶舍並不是堂食食店,主打台式珍珠奶茶及芋圓。店主見同行食店叫苦連天,決定推出特別優惠,只要幫襯任何一間黃店,帶同即日收據,到九份消費即可享有全單半價優惠。

九份茶舍分店分佈全香港,合共有9間分店,主打仙草四色芋圓,粒粒芋圓手製口感煙韌。

對住咁樣嘅正苦,每個人都怒火中燒,各行各業都處於水深火熱之中,唯有自救先至係唯一出路!我哋決定由聽日開始一連七日,只要你幫襯任何一間黃店拎埋當日嘅收據(斷估你唔會攞張美心MX過嚟呱),黎我哋九份消費,即可享有全單半價優惠,我哋雖然無堂食,但係都深深感受到其他同路鋪頭確係難捱?!我哋要贏就一齊贏,要輸就一齊輸!#九份茶舍 #齊上齊落 #同路人 #半價

九份茶舍發佈於 2020年7月14日星期二

龍門冰室/瓏門冰室-35蚊飯餐連可樂全日供應!

雖然聲稱退出黃色經濟圈,食店一邊努力提升食物出品,就政府修定食店限聚及暫停晚市堂食,龍門冰室老闆本住「不忘根,不忘本」,將$35餐推至全日供應,堂食外賣一概不變,仲送可樂加冰,可以話係窮人恩物!

今次龍門冰室推出35蚊餐有3個選擇,包括吉列魚柳滑蛋飯、吉列豬扒餐蛋飯、香煎雞扒炸蝦飯,全部都會附送汽水加冰,午市堂食或晚市外賣都適用。

陸陸雞煲火鍋-1蚊雞煲

陸陸雞煲見到幾間同路食店蝕住做,決定「癲埋一份」與香港人同行,推出1蚊雞煲,份量有半隻雞,加少許配料,都夠哂兩三個人share 食,外賣自取同外賣送貨都有呢個優惠。回家翻熱再煮個白飯,直頭係愛回家之選!

1蚊雞煲優惠推出以來,未夠1小時雞已沽清,相信明日店主會入更多貨!

更新 20:00 15/7外賣落單網頁已更新完成如外賣自取請直接到舖購買外賣送貨依然買滿$500先送貨尋晚臨訓前見到有兩個癲佬出嘅Facebook post,…

陸陸雞煲火鍋 66 HOT POT 發佈於 2020年7月14日星期二

水門泰式雞飯專門店-講暗號期間限定20蚊飯

疫情再次變得嚴重,好多炒散朋友仔手停口停,水門雞飯未見告急,反之疫市開新店,推出特別新暗號實際為大家打打氣。

新暗號-「雞飯好食」任何飯類$20;「無帶銀包」任何飯類後數,老細代支

同鳩共濟,有難同當之前叻仔搵落,我仲未告急,唔洗擔心7日抗疫聽日開始,好多人手停口停,做d實際野為大家打打氣。Well ~ 新暗號「雞飯好食」任何飯類$20「無帶銀包」任何飯類後數,老細代支#香港人 #疫境自強#呢個先係真正定義#唔係下下左手交右手#d相唔太關事

水門泰式雞飯專門店發佈於 2020年7月14日星期二

Sushiro壽司郎-外賣$88 食12件壽司!

偶然想食壽司,元x壽司之外都有過江龍選擇,壽司郎是日本人氣迴轉壽司品牌,到港插旗之後,疫情期間亦大受歡迎。佐敦/荔枝角分店推出了外賣自取服務,當中「一人前」只售$88,而「二人前」份量只需$176,有得食壽司之餘,在家抗疫亦食得放心。

壽司郎雖然不是本地薑小店,但小編知道大家冇得去旅行一定好掛念日本美食!一人前都是88蚊,直逼超市價錢!

身在扮工心在放假,無時無刻都想放假,一到假期就有機會做自己!HOLAHOLI 好想放假 送上香港玩樂、玩轉台灣 、放眼世界及人氣熱話,讓你有不一樣放假心情~~
Contact: info@holaholi.com

Notice: ob_end_flush(): failed to send buffer of zlib output compression (1) in /home/holaholi/public_html/wp-includes/functions.php on line 4613

Notice: ob_end_flush(): failed to send buffer of zlib output compression (1) in /home/holaholi/public_html/wp-includes/functions.php on line 4613