疫情依然失控，天黑食客離開，病毒開眼，政府繼續禁止食肆晚上堂食，實施數天感染數字未有大幅回落，相信措施依然維持一段時間。火鍋/放題/海鮮店一般只開晚市，因此成為今次措施之下的受害者，小編嚴選4間抵食劈價火鍋/放題/海鮮外賣，令大家居家抗疫又同時支持同路良心店。

1. 賣肉救市－JK Brother’s日韓放題

JK Brother’s日韓放題主打晚上海題放題，無法改成外賣，又知道呢個星期會多左在家煮飯食，唯有「賣肉救市」，店家將平日放題食材直接賣出！一推出反應十分熱烈，賣完店鋪貯貨後，再聯同 Sailor House及供應商 以大部分牛肉、豬肉、蝦肉、魚肉，以批發價發售，以賺取「燈油火蠟」。

• 

• 

2. 外賣自取6折！友酒棧台式火鍋專門店

想安坐家中打邊爐，要到街市人逼人買材料，但早日數個街市爆出武漢肺炎需要大清洗，街市買送似乎未必萬全之策。友酒棧台式火鍋專門店本店推出外賣自取優惠，order 外賣火鍋料一律全單6折，隨時仲抵過落超市/街市買！

3. 198蚊屋企食海鮮－粥地海鮮粥底火鍋

之前出街食海鮮，閒閒地都要幾百蚊落樓，但依家無法外出打粥邊爐聚餐，粥地海鮮粥底火鍋店推出招牌海鮮粥底火鍋餐，餐點包括生猛新鮮靚海鮮，包括7款指定時令新鮮靚海鮮、5款自選火鍋配料、3款淆粥用粟米，芋頭粒，南瓜粒及基本粥底，星期一至四都是198蚊/位。

4. 盛大海鮮特蒸籠飯 － 海鮮角樂 Seafood Corner

海鮮角樂以新鮮海鮮招來，最近推出外賣盛大海鮮特蒸籠飯（HKD$388），包括本地龍蝦／琵琶蝦，特選鮮蟹、野生星班件、大花甲配自家調配蒜泥，加HKD$110升級蒜蓉粉絲蒸蟶子皇2隻加鮮滾阿媽魚湯1份。