政府宣布食肆全日停止堂食，一眾情侶慶祝book餐廳慶祝生日、紀念日的活動都要取消。如果屋企煮飯仔，而你的煮藝只係「上湯蟹柳浸白蘿蔔」Level，而且整完又要洗。如果宅在家慶祝的話，不妨考慮各大酒店因應疫情而推出的外賣餐點，食物既高質又唔失場。
1︳海鮮+肉食控之選！香港君悅酒店
酒店推出「君悅快遞」，提供外賣自取或港島部分地區速遞服務，如果送餐地點位於灣仔酒店15分鐘步程，更可享免運費送到。推薦餐點包括龍蝦海鮮拼盤、香草烤雞、烤香草芥末澳洲穀飼牛等，食物選擇高質吸引，份量十足還可以組合成為4人、6人、8人套餐，套餐甜品為原個蛋糕，確實適合家庭聚會，不過非同住親戚就等疫情過去先一齊食喇～
海鮮拼盤（每位HKD$320）每份包括龍蝦半隻、虎蝦3隻、青口2隻、煙三文魚80g，酒店自助餐入面冰鎮海鮮為你打包直送，係兩小口在家慶祝最佳頭盤！
全隻香草烤雞（HKD$260/隻）焗薯、甘筍、蘿蔔、迷迭香燒汁每港幣260元；烤香草芥末澳洲穀飼牛包括焗薯、甘筍、蘿蔔、黑胡椒汁 (HKD$900/1公斤)；烤美國豬肋骨（HKD$480）焗薯、甘筍、蘿蔔、芥末燒汁
芒果芝士蛋糕/藍莓芝士蛋糕/君悅經典黑朱古力蛋糕 (HKD$260/1.2 磅)
酒店推出4/6/8人套餐包括海鮮拼盤、自選以上主菜及原個蛋糕，價錢如下：
- 4人套餐 HKD$1,600 (雞) / HKD$1,800 (豬) / HKD$ 2,220 (牛)
- 6人套餐 HKD$ 2,450 (雞) / HKD$ 2,780 (豬) / HKD$ 3,500元 (牛)
- 8人套餐 港幣 3,100元 (雞) / 港幣 3,680元 (豬) / 港幣 4,500元 (牛)
2︳閏蜜下次先約！同家人歎tea！- 四季酒店
四季酒店是酒店界之龍頭，疫情前經典下午茶不需做任何promotion，已經經常full booking。今次疫情禁止堂食，特意推出三層外賣架下午茶，抗疫家中都可以歎到酒店Tea Set！
甜品最特別是可以外賣經典下午茶，甚至連層架都會送上門，買回家後自行安裝，安在家中都食得優雅又有新意。另有一系列五星級麵包蛋糕，如藍莓峰蜜乳酪蛋糕、京都抹茶日本紅豆蛋糕、招牌英式鬆餅、牛角包等，款式超多！
經典下午茶（HKD$628）包括藍莓峰蜜乳酪蛋糕、京都抹茶日本紅豆蛋糕、招牌英式鬆餅、牛角包
晚餐都有外賣餐點！
3︳屋企un un腳都食到六星美食！- 半島酒店
半島酒店亦推出「餐飲遙距下單服務」，可以訂購酒店餐廳外賣自取美食！旗下「嘉麟樓」、「瑞樵閣」中式西式酒店餐廳都有得外賣！推薦餐點包括威靈頓牛柳、果木煙燻叉燒等。
- 果木煙燻叉燒（HKD$268）、威靈頓牛柳 (四至六位用)（HKD$980）、法國春雞配燒薯及炒雜菜（HKD$430）、嘉麟樓極品炒飯（HKD$360）
4︳必食威靈頓牛！- 香港文華東方酒店
香港文華東方酒店早前疫情推出外賣服務，烤肉及4至6人套餐比堂食更抵食，如果遇上慶祝活動，可以一家人齊齊整整享用馳名烤肉，主菜包括威靈頓牛、紐西蘭羊腿或威克斯農場豬鞍架等，肉食控一定大愛！文華東方酒店出色的甜品系列包括原個963文華藍莓芝士蛋糕、歌劇院蛋糕亦有85折外賣優惠！
美國威靈頓牛柳套餐（4-6人）HKD3,288，包括蔬菜沙律、烤薯仔、烤玉米及1963 Mandarin Cheesecake 1個，附送紅酒一支。
其它餐點包括招牌海南雞飯、漢堡包，甚至是Cocktail都可以在家享用！
5︳上KLOOK 訂有5%off！香港W酒店
香港W酒店「KITCHEN」餐廳美食出品高質，不過小編卻發現雲吞湯麵、各式沙律、巴東牛肉、安格斯漢堡、佛跳牆，價格親民，如果想食好d又唔想食咁多肉可考慮呢個選擇！
小編推介餐點：
- 鮮蝦豬肉雲吞湯麵：每份$85
- 希臘沙律：每份$90
- 凱撒沙律：每份$90
- 爆谷炸雞粒：每份$90
- 巴東牛肉：每份$109
- 安格斯漢堡配沙律：每份$109
- 迷你佛跳牆燉湯：每份$170
- 西式套餐 (希臘沙律、香煎三文魚)：每份$203
- 亞洲套餐（甜辣醬炒雞脾菇及時蔬、大蝦雞肉炒飯配煎蛋）：每份$203
