吉x家是日本連鎖牛肉丼店，總有一間係左近，如果去日本旅行而酒店住宿又冇包括早餐，日本吉野家是窮人快靚正恩物，到港發展後其「大牛飯」一直得到不少顧客支持，後來更引入「吉邊」，令寒風颯颯的日子添上一份暖意。不過香港代理去年表明立場，其行為令人髮指，包括跟管理社交媒體公司解除合作關係，事過一年很多人都作出罷食的選擇，不過如果牛肉飯心癮起又何去何從呢？小編今日整理了5間牛丼良心食店，等大家有多個選擇。
1︳東屋台
東屋台係屯門區飲料及輕食外賣店，主打台式茶飲及日式小食。繼去年10月底發生屯門衝突，老闆娘及弟弟在門外攔截警察截查，加上疫情期間林日曦加持，小店成為附近居家抗疫超級良伴， 大牛丼定價不高，選用牛肉亦比香港吉x家高質，牛肉肥瘦相稱。牛丼製作方式並不復雜，在碗內盛上米飯後，上舖一層美味牛肉片、洋蔥絲，汁同牛都份量十足，食得好滿足。
2021年8月，老闆姊弟最後被判阻差辦公罪名成立，更在社交媒體勉勵港人「好好愛自己，無論世界社會與理想/預想不同，繼續保持善良的心、希望，總有一日黎明會到。」大家真係要多多支持小店！
牛丼 HKD$42 (大)
2︳雞蛋屋
老闆原是一起果醬cafe店主，全新副線雞蛋屋，取名自「雞蛋與高牆的意思，旨在保護雞蛋。」食物則以較大眾化為主，又會招聘手足工作。每日新聞何其負面，可能到飯點時間都未必有胃口，到雞蛋屋食碗簡簡單單牛丼，清爽美味可能可以治愈你胃口。除了主食丼飯之外，仲有各款小食、台式飲品、芋圓等。
和風牛肉飯（HKD$48）
3︳大丼家牛丼專門店
大丼家風格低調，一向以平民價改良牛丼的美味，將汁煮改成燒牛肉。熱騰騰米飯上覆蓋著精心烹飪，加上片片牛肉，必食份量多多既招牌芝士牛肉飯，每碗都有成6-7件，咸香芝士加上肥瘦均衡的燒牛肉，口味尤其搭調，再淋上特調的醬汁，配菜有辣辣酸酸配菜。
三色燒牛肉飯（元祖+香辣+芝士）HKD$56
4︳鹿良便當
鹿良便當是九龍灣良心外賣之選，12月曾出文「過去六個月 香港人不會忘記，不便之處，自己問政府」﹐抗疫期間自取減8蚊。雖然不少公司都嚮應政府呼籲，員工home office，但好多返倉同事仍要返工，鹿良便當可能就是不錯選擇，定時更換menu及有數個恆常menu，當中包括和風牛肉便當，每次一推出都好受歡迎。
5︳大渣哥茶記
大渣哥茶記食物出品一直非常高質，禁堂食外賣半價令更多食客來支持，飯點時間都大排長龍！而兩個月前推出「好很藍食系列」，吉野渣和風牛肉飯、碎華瑞士汁雞翼撈公，乜樂雞炸薯條，飲杯士渣北MOCHA、再整件美渣High餅，不過供應時段只限下午茶時段。牛肉配上牛肉汁醬，融合在一起所產生獨特美味，特別散發魅力所在。
吉野渣牛肉飯（HKD$48）
文章撰寫：Holaholi 好想放假