去韓國旅行緊要找一兩餐外賣炸雞返酒店食先岩數，不過南韓又傳出再爆第3波疫情，開關對外旅遊真是遙遙無期，唯有睇韓劇上上癮，不過當電視劇主角大快耳颐地一口一口將韓式炸雞放入口，又頓時崩潰了… 原來韓式炸雞不一定要飛到首爾，留港到小店都品嚐到，位於大角咀的咯咯雞 韓食店，如其名主打韓式炸雞，有多款口味選擇包括韓式甜辣醬、蜜糖芥茉、鹹蛋黃醬，而且價錢及份量按個人口味及需要，豐儉由人！除了炸雞，還提供韓式冷麵、海鮮炸醬麵、人蔘雞湯，以及炸粟米狗、魚串、炸紫菜卷、泡菜炒年糕等韓式小食及飲品。
韓式炸雞份量可以按個人需要order，口痕突然想食少少炸野可以order 1/3份，而想大快耳颐又或者買返屋企開心share，不妨order 一份大size。 最近店家收集食客意見，將所有炸雞份量增大左，希望大家都食得滿足，1份全份的話大約有5-6件，包括雞翼雞鎚、雞胸都有。
小店咯咯雞 韓食店提供多個口味炸雞，包括原味、甜辣醬、蜜糖芥末醬、柚子檸檬醬、三重混合芝士醬、港式鹹蛋黃及馬來沙嗲醬炸雞 ，選擇困難症患者慎入！當中甜辣炸雞屬於經典韓式口味，外皮焦脆加上嫩雞肉汁豐盈。而蜜糖芥末醬口感新穎，味道會有d似好fresh的沙律醬，不過就帶微甜微辣，如果食厭傳統炸雞，可以嘗試一下這味道！
柚子檸檬炸雞尤其清新，酸酸甜甜醬加上皮脆炸雞上，令人不知不覺就食多幾件…
鹹蛋黃醬炸雞仍殘留粒粒鹹蛋黃，鹹蛋黃包裹酥脆鹹香炸雞外皮。
韓國粉絲（HKD$28）夏天食涼伴韓國粉絲令人十分開胃！
店家還不間斷推出新產品，令更多食客患上「選擇困難症」
