自7月初開始，食店都拆走自己在店鋪的「連儂牆」及文宣，從此一張張空白的memo紙就代表一切，明嘅就會明，信念在大家心中，是拆不走的。Tictactoast_hk此間新張小店坐立於太子花園街，主打外賣韓式多士及小食，不過值得一提及駐足欣賞是將連儂牆用一路路彩色的方格磚表示，同路人一定會明！食物方面，小店推出韓式鐵版多士，有幾個口味全部用料高質如日本飛驒和牛、軟殼蟹等，最岩返工又趕開會交report時買返屋企食。
以Memo 紙連儂牆為主題，用牆磚切出連登仔最愛「連豬」及「連狗」，代表香港人「拆不走的信念」。
封門牛柳多士，一頭幾百斤牛，只有一條幾的封門柳牛肉，屬於非常罕有部位，肉嫩味甜、香嫰多汁，配搭清爽蕃茄生菜及Honey Mustard 。
日本飛驒和牛多士，即烘烤軟熟多士配上即叫即煎飛驒牛食落熱辣辣未食已聞其甘香，食落更是柔嫩爆汁，同樣配上簡新鮮蕃茄生菜。
素食大啡菇多士，即叫即煎超級juicy大啡菇配番爽口生菜、微甜蕃茄及加上微溶芝士，係屬於素食者的邪惡。
小店店鋪細細，用心製作即叫即整多士，即使小店只有一張細枱仔同一張櫈，仍有不少同路人支持外賣！小店提供多士口味多多包括封門牛柳、軟殼蟹牛油果醬、日式鰻魚紫菜蛋、冬蔭公雞扒、蟹肉牛油果醬、泡菜黑毛豬、素食大啡菇、拉絲芝士蘑菇、日本飛驒和牛多士
