屯門藍地大街有個另類士多，不賣汽水薯片香煙，賣一種街坊情懷！原來百好繪本士多最初由街坊合租，是個非牟利兒童故事活動空間。一到藍地大街，就會見到外牆色彩繽紛的壁畫及綠色盆栽，加上環保木材修築而成的書架裝置，「士多」與大街上其他店鋪不同，同時是繪本圖書館及玩具圖書館，疫情前會有繪本學堂及講故事時間，令小朋友可消磨一個下午！最近還開放200呎的士多花園，雖然地方細細，內裡齊集種植區、社區閒聊空間及小小遊樂場。百好繪本士多曾幫手宣傳光復屯門遊行，是個良心組織！
百好繪本士多 外牆畫上可愛卡通，吸睛的兔仔、熊仔一定令小朋友覺得好興奮。
紅酒箱是由街坊義工收集以來，義工一同打磨上油，形成一座展示繪本圖書大書架。
店鋪由2017年開始修輯成一個社區連繫空間，令屯元天親子好地方。百好繪本士多原先是個真士多，裝潢保留士多基本結構，大閘、窗花、鐵閘經過粉飾後風味尚在。
士多外邊有一座廢木製造可愛裝置，士多歡迎繪本圖畫書漂書，大家可以將在此平台交換圖書。
百好繪本士多鐵閘外都塗上天藍色背景的圖案。
最近百好士多都有開始舉辦社區活動，幾個月前舉辦了「百好傾計咖啡館」，以咖啡會友。