雖然我地暫時無法去日本旅行，不過原來日本人自己本身都好鐘意周圍食玩買，日本福岡善導寺附近就有一間人氣甜品班戟店，好多朋友都特意駕車到店買外賣！全因為成品大大件好似一扎花束咁，打卡比相機或手機食先，影相放IG後，再上車慢慢品嚐。ル・ボヌール提供的口味按季節而調節，例如有初春出產的士多啤梨口味、栗子蓉口味，不過最受歡迎都是焦糖布丁雪糕口味，超級打卡-able！
抹茶朱古力曲奇（￥480）、鮮忌廉蛋奶士多啤梨味（￥ 630）、焦糖布甸雪糕（￥620）
焦糖布甸雪糕（￥620）及鮮忌廉蛋奶士多啤梨味（￥ 630）是日本女士最愛，焦糖布甸被火槍微烘。
班戟內餡是焦糖布甸及個雲呢拿雪糕，焦糖布甸雞蛋味道比較濃郁，整體真是非常賞心悅目。焦糖布甸口味獨特，質感滑嫩甜蜜。
鮮忌廉蛋奶士多啤梨味內餡是切片士多啤梨、鮮忌廉及朱古力醬。
抹茶朱古力曲奇擁有粒粒脆脆
ジェラートイタリアンマロン．モンプラン Gelato Italian marron monburan 栗子口味 （¥750）以栗子雪糕質感極似栗子蓉，擁有極濃郁栗子味
