榕基滷水1992由年輕人夫婦接手之後，由細鋪搬廣福道大鋪，店鋪不算非常顯眼，開店時候會有Menu放出黎，特意去覓食的朋友可能要細心留意一下。雖然之前疫市堂食有限聚令，但都無阻街坊習慣買滷水斬料返屋企加餸，偏台式口味滷水鵝就最受歡迎。師承親戚傳授的滷水秘方再加以改良，用上8至10斤獅頭鵝﹐每日將10款以上香料、藥材浸3小時以上，滷水鵝片啖啖肉之餘又超入味，火候控制得恰到好處，因此唔會鞋口，充滿油香。新店還獨創四川麻辣溝滷水，加麻油、芝麻及葱花，更能以香辣帶出幽幽香味，將滷水美味帶上另一層次，無辣不歡的朋友就有多個選擇！
自選滷水套餐全日供應，可以堂食或外賣，先揀套餐滷水主菜、再揀飯麵、小食各一，價錢由HKD$38-58不等。主食選擇有秘製黃金滷肉（HKD$38）、滷水南薑豬手（HKD$42）、招牌滷水鴨（HKD$45）、滷水金錢牛展拼豆腐（HKD$45），而招牌滷水鵝（HKD$58）就可以+HKD$10 升級雙拼豆腐。
話梅花雕雞翼外皮爽脆。愛酒之人一定鐘意，雖然口感冰冷，食到落肚，身體就會發燙，酒汁與雞肉的鮮甜相結合，產生奇妙香味。
滷水鵝片由八角、香茅、花椒、肉桂、醬油、料酒等藥材配料而成。秘製的滷水浸泡鵝片成金黃色，晶瑩而泛著油光，只見廚師手起刀落揮刀起肉揮刀起肉，再快手排列整齊，遠遠聞得香味。片片鵝肉突顯其鮮甜甘香，皮嫩肉滑，斬料送飯一流！
