離小朋友實體開學都有一兩個星期時間，始終在家用Zoom上課無法出外大家都悶到嘔，趁放假緊係要鬆一鬆！最近九龍區又多個親子玩樂好去處，就是超過8000呎的NAMCO遊戲專門店，加入「運動遊樂競技」元素遊戲機，「Boxing Champion」拳擊遊戲機及「Street Basketball Jr.」籃球機鍛鍊反應及手腳協調活動，親子放電就最合適不過！而同場亦準備了多款全新景品及不同難度新玩法夾公仔機，依家同各位夾公仔機高手下戰書，等高手們帶走大大隻的三眼仔、比卡超，更有市面極少周邊品的屁屁偵探等，係fans不要錯過！
「Street Basketball Jr.」籃球機並不比一般籃球機容易，限定時間內計算入籃次數。即使是街場灌藍高手亦有一定的難度！
氣墊球大人小朋友都岩玩，又刺激又可訓練大家的反應
「Boxing Champion」拳擊遊戲機
年齡較細的小朋友都可以登上Thomas 小火車～
擲彩虹
夾公仔機好多新玩法都是來自日本，公仔更是林林種種，乜野都有！
《屁屁偵探》是近年興起的兒童文學，從2012年推出之後發售了6本繪本和4本書籍，在幼兒和低年級學生之間非常有人氣。直到2017年5月，《屁屁偵探》系列作品累計銷量超過了150萬本，不過暫時周邊產品並不多，因此在場的都十分珍貴。
大人細路都like爆夾公仔機有好多款，加入全新景品及不同難度的新玩法，公仔包括比卡超、史迪仔、三眼仔及屁屁偵探等，全部都係小朋友最愛！