沙嗲牛肉麵是香港茶餐廳/冰室的經典之作，每間茶餐廳/冰室出品和口味都有所不同，是早餐/茶餐重口味之選。一般都是以沙嗲醬或沙茶醬、花生醬煮成醬汁，再加入牛肉烹煮，加上出前一丁、即食麵或米粉。而位於慈雲山榮記茶餐室一直敢於創新嘗試，曾以煲仔飯再以新意創出「邪惡芝士煲仔飯」，拉芝效果一次過滿足視覺及味覺效果！今次就以很多港人最愛的沙嗲牛肉麵，放入煲仔內，此舉可令煲仔麵湯內保持熱度，沙嗲湯精華濃度就大大提升，小店一推出後就大受歡迎！此小店老闆在facebook群組表示討厭Green Object，曾會低調支持年輕人及支援手足，所以一出新品就許多同路人現身支持！
榮記茶餐室今次用心特調特濃沙嗲湯底，再放入熱辣辣煲仔，煲仔會會將湯底的餘溫保持一段時間，令湯底長時間翻滾，麵條因此變得更入味掛湯。麵底可按個人喜好選擇米粉或公仔麵，前者就比較索汁，食落味道更豐富，後者的麵條形狀呈彎彎曲曲容易掛湯，各有所好。
濃濃沙嗲香氣十足，沙嗲質感比其他茶餐廳濃稠，口中爆發味道香而惹味，不會有死咸之感。
店主還非常貼心，知道有朋友不吃牛肉，連配料都可以有牛肉、豬扒、雞扒選擇。而且沙嗲煲仔麵只限堂食，而且每日限量供應，定價$68雖然有點小貴，但食得出店主對食物的心思，希望食客食過有美好感受。
