相信好多人都盡量少食進口中國大陸食材的香港M記，有時豬柳強心癮起，真是不知如何是好。「友利冰室x勿當奴」位於d2 place 主打本土味濃的快餐及冰室食品，裝修陳設都零舍出眾大玩玩味風！店名除左大玩美式連鎖快餐店諧音之外，亦同時希逞香港人切勿當奴才，香港人要自己當家作主。店內色彩繽紛插圖打造愉快氛圍，不禁令人重拾m記姐姐生日Party的歡樂時光！食物方面，勿當奴2人餐餐點就跟M記差不多，有手打漢堡包、豬柳強、魚柳包，更有薯條及汽水配置，正合隨時薯條癮起的你！如果不想食太熱氣的餐點，可以選擇中式／港式食物，選擇多元化，日日食都唔會悶！
以惡搞趣怪幽默圖案，cosplay山寨版勿當奴叔叔 ，色彩繽紛的配搭非常吸睛！
勿當奴2人餐（$98）主食可選擇巨無罅、豬柳強、魚柳包、將軍噢堡、日式咖哩漢堡及人血饅頭。套餐還附上兩款小食，選擇包括洋蔥圈、炸花枝丸、炸燒賣、麥樂雞，加上薯氣及汽水，呢個2人餐可以話物有所值。而包款所用的麵包採用香港製造，漢堡扒不用雪藏肉，而且店家手打，因此食得出其肉汁豐富！
人血饅頭（$ 38）其實金拱門系列都可以作單點，人血饅頭應該最唔似m記包，用一個厚厚大饅頭，夾住一塊蜜汁肥大肉厚半肥瘦叉燒，啖啖肉超juicy！
2人餐包括2款炸物，可謂十分抵食！
連之鋒哥都親身支持，出post極力推介！
