以往生日唔想諗食咩蛋糕就會去連鎖店揀款，勝在夠方便！不過近年大家都拒絕幫襯大集團，其實香港有好多小店都非常高質，用料上乘，由麵粉、雞蛋到調味用料都著重來源產地，每間小店店主做蛋糕都用心十足。因此下次訂生日蛋糕大家識做啦，今次小編精選3間良心蛋糕店，只要預留時間網上訂購，約時間取貨一樣方便！
1.jenjen 烘焙實驗室
jenjen 烘焙實驗室原先是間由90後開設的ig網上蛋糕店，由ig shop做到入鋪！主打蛋糕及捲蛋，店主將茶品入饌蛋糕內，經多番嘗試，店主創出焙茶丶伯爵茶丶抹茶丶烏龍茶口味，成品吸睛超級打卡-able！不過比起生日蛋糕，件裝捲蛋更受歡迎，係良心散水餅之選。
地址：九龍灣宏開道15號九龍灣工業中心6樓10號舖
營業時間：星期一至五18:00 – 20:00；星期六至日16:00 – 19:00
ig：jenjen.bakerylove
2.開心餅店
開心餅店原先是間旺角傳統老字號餅店，第二代接手管理後推出Happy Roller副線品牌，同樣主打流心抹茶捲蛋、芋泥卷蛋，而生日蛋糕就推薦士多啤梨芝士奶蓋流心蛋糕，蛋糕base為3層海綿蛋糕，層層相夾鮮打士多啤梨忌廉，外觀亦呈夢幻粉色，面層香濃芝士奶蓋。而流心抹茶捲蛋以丸久小山園嘅抹茶製作，甘香濃郁。
地址：旺角廣東道1000號地下
電話：27713495
營業時間：05:45 – 20:00
ig：happyrollerhk
3.花憩
花憩手作千層是間ig小店，以優質天然食材製作千層蛋糕，完全無加人造色素、人造香料、防腐劑/乳化劑。千層蛋糕都是低糖份，而且日本一級麵粉及法國鮮奶油！千層蛋糕口味多多，榴槤季更有榴槤班蘭椰子千層特別味！想食重口味，可以試試Oreo百利甜酒朱古力千層。
