「陪著你走，一生一世也不分」，2019年前是一句窩心甜到漏的歌詞；到今日社會運動至疫情，很多朋友都出現情緒困擾，有人更未有機會跟家人團聚。各人在抗爭道路都傷痕累累，「陪著你走」變成常用詞。而天后甜品店，掛住呢個名勁撐同路人，是間天后良心甜品店！由上年開始就多次撐罷市及捐款星火，好多朋友食完晚飯都會特意食埋糖水先返屋企！甜品店出品高質，主打仙草芋圓、綿綿冰，雪糕窩夫等，其他冷熱甜品選擇都多多，患有選擇困難症的朋友就建議睇定Menu喇！
原味法式焦糖燉蛋（$35）面層焦糖微燒成脆面，鮮奶味濃郁，顏值極高；芝麻糊（$30）、蕃薯圓湯圓（$40）都是人氣之選！枱面得意設計成屋企地版幾何圖案紙皮石風，傳統復古味濃！
仙草八寶(凍) （$42）非常抵食，一碗有齊晒8款材料包括芋圓、番薯圓、椰果、紅豆、薏米、仙草、珍珠、西米，芋圓蕃薯圓煙韌無比。
番薯圓仙草
Oreo雪糕窩夫
燒棉花糖朱古力夾餅（$22）
綠野仙踪（$58）抹茶蕨餅、抹茶雪糕及綿綿冰
