被連登仔喻為本年度最佳ViuTV神劇既《暖男爸爸》於上星期五落幕，暖心情節、窩心對白獲得一致真香港人好評，當中劇本對白加入「be water」、「後數」及陳同佳案內容，平日少留意時事都未必有共嗚，編劇及導演似乎於疫市之下，將正面訊息帶給香港觀眾，設計出夭心夭肺的對白，小編精選全劇發人深省的句子，比大家回味一下～
#要睇到一個人真正本質，平時有幾好都沒用，一定要看他在最低點的時候，呢個時候先會把他最好及最差一面表現出來
無風無浪、天下太平，正常人都會對人好啦！又唔需要成本，又唔需要代價。
#有時候眼前事情好像很困難，甚至好似走不下去死路，但原來冥冥中在強迫我們開一條新路。
我們意想不到、無辦法事情，儘管見路就行吧，睇佢開邊範。
#我最後個終點是要安全感，但中途都不介意停多幾個站睇下風景！
#好人唔係冇，不過唔係日日遇到啫！
#你呢啲人為咗適應世界可以連自己都呃埋！
#因為得唔到愛，所以要不停去造愛
#男人玩高達，女人唔明白！
#情緒就好似一頭怪獸，會從裡面襲擊你，而你唔知佢幾時會再出來咬你。
#熱血，就係大部份人話你冇可能成功，但你仍然堅持去做。
#我唔係真係要改變呢個世界，起碼我嘗試改變呢個城市
我想改變香港人的bad taste，所謂taste是每個人都識分好與壞、靚同唔靚
香港人依家最鐘意講：「見仁見智」Come on！Something is good or bad is not 「見仁見智」。香港人價值觀、眼界愈來愈狹窄，香港喺世界上競爭力愈來愈低。如果我地淨係得錢，但冇文化，呢個世界係冇人真正尊重我地。我地香港以前出過一個建築師設計羅浮宮，以前的電影業係全世界模仿對象，我地香港以前真係數一數二城市。但係我地依家係d咩？我地香港人連屎同朱古力都唔識分，呢個就係bad taste。
呢d改變有個重點，就是一定年輕人，香港年輕人先係我地將來，佢地有能力、vision、有taste。投資香港年輕人身上等於投資未來。就算你識投胎咁又點？冇人比機會你？so what？
#當我地做完幾十年人，有幾多個可以保存住真正既自己？
#只要有覺悟同埋進步，或者下一代會好過上一代
#兩個人係埋一齊，點解要結婚？
結婚要簽紙、證婚，要將自己一生綁係對方手上困係鐵籠入面，逼大家信守承諾，仲要叫一大班親戚睇住自己發誓話自己永遠唔會改變。一旦變心，離婚成本很高，要向全世界面前承認「我地衰左」。
人類就係知道自己靠唔住，set好多規矩綁住自己。人因為一時衝動受唔住外界誘惑，往往中途放棄，一時衝動決定往往係最愚蠢既決定，婚姻就係將我地任性代價提高，防止我地做蠢事
真正愛情，就係將對方缺點睇得清清楚楚，甚至睇到對方甩皮甩骨後，都仍然不斷不棄，因為其實自己都係一樣甩皮甩骨
有時我地內心並唔成熟，當我地遇到錯折時候，我地會將自己變返做小朋友。
其實有時對方都係個小朋友，如果你對對方爆粗的話，表示你對一個小朋友爆粗。當你出軌時候，其實你在出賣一個小朋友
#人生都好似限時任務，好多野都冇得黎多次
#其實人生點會係攞哂好處咁著數呢？好似打機咁都唔係睇輸贏，睇你過程開唔開心
