韓閣店位置處於美食雲集的荃灣，是一間走小清新韓路線的工業風Cafe Feel。由路德圍細鋪做到大鋪，又疫市擴充至將軍澳分店！「唔駛飛都食到韓國野」應該係愛好韓國的朋友們一年來卑微的願望吧！呢個時間就即管睇睇良心小店能否慰藉弱小的心靈吧！韓閣的韓國菜式相當齊全，由家庭菜泡菜煎餅拌飯，到炸雞、部隊鍋、都有！芝士控一定不可以錯過澎湃芝士熔岩炒飯，泡菜base甜辣醬炒飯加上爆多芝士浸淫著，而拉絲上來視覺有如瀑布，平日韓閣的Lunch Menu去到6點相當抵食，下午時段有更多學生、街坊幫襯，假期午市都常常滿座！
澎湃芝士熔岩炒飯（$98）飯底以泡菜炒五花肉飯，加芝士蛋漿後真係成個飯浸淫於芝士蛋漿度！
鐵板好夠熱，撈勻後將芝士拉上就好易有拉芝效果，而且拉極都唔斷，有夠誇張！而炒飯香辣濃郁惹味，風味大增。
芝士拉絲豬仔脾，大量mozzarella 芝士煮溶，而豬髀仔沾上芝士。
韓閣雜錦蛋卷，表面鋪滿爽脆惹味泡菜及蟹籽，厚身蛋卷煎成蛋香味濃，內餡有香蔥、紅蘿蔔。
亞之媽傳統甜辣炸雞（半份） $118 比香港其它韓國料理店，炸雞定價比其它低，一份有6、7件雞，雞皮外面炸得香脆，肉質嫩滑多汁。
石鍋拌飯外觀顏色色彩繽紛，一份石鍋拌飯中，有牛肉、米飯及豐富的蔬菜，拌入大醬將口味昇華。
梨牛𦟌水冷麵 （$62）以冰塊佐冷，韓國蕎麥麵加上各配料舒壓滋味
抗疫多時，再次禁晚市堂食，大家都可以order 外賣！
