一年容易又到準備過年，好多打工仔都計劃收到公司大利是後離職，同事可能連食幾日Tea 都係不同teammate的散水餅。鰂魚涌有間甜點小店治癒菓子店由網店轉戰實體店，主打脆皮泡芙，曾支持罷工亦本著良心做餅，大大件泡芙夾有巨Cream餡，出品口味多多超級受歡迎，講到最多人encore都是小山園抹茶麻糬脆皮泡芙，內餡幼滑抹茶Cream甘醇卻又帶著點苦澀！每日有兩個時段泡芙出爐，撞岩時間就會排哂長龍，但係就會食到新鮮口味唔怕淋哂！
店面日式和風木系簡潔風設計外賣甜點店，色調以白色同木色為主。老闆娘原是90後的空中服務員，原先以興趣性質開設IG shop，一直keep住人氣滿滿，後來於雲集廣告agency的鰂魚涌開店。
脆皮泡芙口味每日輪流換轉，每日在IG公佈口味，表面鋪滿比利時髒髒朱古力榛子醬、黑糖珍珠鮮奶、海鹽焦糖咖啡、粒粒紫薯鮮奶都有！
玫瑰花榛子伯爵茶麻薯脆皮泡芙，伯爵茶味cream香濃伯爵茶，面頭嗰啲朱古力脆脆好好味。
兩個時間出爐為1315及1715，中午時段很多朋友都趁lunch time出黎買。小山園抹茶麻糬脆皮泡芙 （HKD$27）抹茶Cream超巨型，配搭軟綿綿麻糬，茶香四溢。
脆皮泡芙都使用低糖低油配方﹐絕不添加香精色素，泡芙用日本麵粉製作。
