第4波疫情一爆再爆，禁晚市堂食令已持續1個月，令更多小店捱得過嚴寒的2020﹐2021首個月就生意完全仆直。其實唔止食店，小編身邊好多朋友工作及生活條件都變得朝不保夕，整合以下告急良心店名單，令大家可以幫得幾多就幾多…
1.不串不散－1月維持有限度服務！徵同路人接手！
不串不散位於銅鑼灣京都廣場，主打任食流水蝦海鮮串燒放題，可以選擇任燒3/7款海鮮，而海鮮款式則以時令來貨而定。當中鮑魚、元貝、海蝦、生蠔都是必食推介！串燒方面肉類、蔬菜及丸類都十分齊全，各位芝士控不能錯過芝士年糕及芝士撈丁拉芝的誘惑。
小店原定於12月31日停上營業，後來在社交平台上宣佈1月維持有限度服務，所以大家想去支持前，可以先打電話確認有否營業，避免摸門釘！
| 不串不散 網上訂座享8折優惠 地址: 銅鑼灣駱克道491-499號京都廣場9樓 電話: 67608656 IG：@lexbuytogether |
2.何蘭正－chill爆打卡酒吧！1月25日最後營業日！
何蘭正 是連旅遊書都會推介的打卡酒吧！個性酒吧小店5年開業以來引來唔少IG-ers來打卡，連遊客都會跟住Tripadvisor到來飲酒消遺chill下！最Signiture打卡位工業風的水泥牆上掛住霓虹燈管「鬼佬涼茶」字樣，陳設裝修同樣突顯懷舊港味風格，晚上到來超有氣氛！
小店老闆宣佈「光榮結業」後，店主在ig表示最後營業日暫定1月25日，並希望休息過後重新出發！
| 何蘭正 地址: 中環蘇豪卑利街65-65A號地舖 電話: 23422224 IG：@65peel |
3.Sogno Gelato－告別催淚彈味雪糕！
Sogno Gelato 自2019年6月以來大膽發聲，是區內較早時間出現的小店連儂牆，每次荃灣遊行時都會撐抗爭者，而最具話題性的當然是大膽創新的雪糕口味，店主特意研發催淚彈味來提醒香港市民，別具深層的意義。小店在營業的最後時刻，會變身成同路人市集分成四個時期舉行，每期會有不同品牌的檔主駐場！
| Sogno Gelato 地址: 荃灣楊屋道1號荃新天地2期UG樓85號舖 電話: 60984187 IG：@sogno_gelato_hk |
4.燒邦海鮮私房菜－轉陣煮魚湯泡飯
禁堂食令仍然維持，某程度上對主打晚市的食店是一種打壓。廚師發板海鮮私房菜於未禁令之前，取自新鮮靚海產，製作廚師發板海鮮私房菜，而且仲盡力請年輕人做野。疫情一波未平一波又起似是不斷，邦老闆轉陣推出精心熬製的良心魚湯泡飯，雖然食的不是茶記價錢，不過每一碗都經過嘔心瀝血的步驟而成，先將幾十斤魚放血、刮鱗、清洗內臟，將魚肉先炸後煎，再逐啲再入魚袋，絕對食到大師級水準的本灣海龍（鮮魷）魚湯泡飯 、深海花尾龍躉魚湯泡飯、野生海班魚湯泡飯，希望同區街坊同路人支持！
| 燒邦海鮮私房菜 地址: 天后電氣道74-78號金基大廈地下3B舖 電話: 67171352 IG：pongseafoodandgrill |
5.再玩一會 – 杜生加持㗎仔飯
再玩一會為杜生加持的㗎仔飯新店名，店主對車十分喜愛，主題餐廳充滿娛樂元素，除了cafe串燒小食之外，食客可以於專業賽車模擬器玩Game！通常都是晚上飲飲啤酒、同朋友吹下水。不過禁堂食令餐廳無法晚上營業。
| Regame Club 再玩一會 網址: https://s.openrice.com/QrbS0eH4A00~d2YnGBc-c 地址: 太子西洋菜南街180號捷利大廈1樓B室 電話: 95108128 IG：@regameclub |
6.溏串小町-胡氏這一家 勁撐！
溏串小町 以日系居酒屋形式，日系漫畫同旗幟裝飾都滿滿和風感！不過禁咗晚市堂食之後，生意確實是雪上加霜，小店午市menu做足全日，老闆、店員、廚師都總動員參與步兵外送。胡氏這一家 都幫手出post 支持溏串小町小店，近期更推出抗疫大放送優惠，種種行動為的是務求更多區內人會考慮買外賣！
| 溏串小町 地址： 大埔翠和里麗和閣 營業時間：12:00–21:00 IG：@tonsentaipo |
7.Tony’s Hell－季節限定精心炮製「神秘晚餐」
Tony’s Hell位處於早前社區封鎖範圍附近，周六日生意受到一定影響。小店亦得杜生Yellow Openrice 加持，其「神秘晚餐」由頭盤到甜品每一道菜都用心構思，用特別食材、煮法、調味去帶俾客人新嘅感覺，希逞遇到知音能明白每一道菜背後心思，不過店主最後決定將這份驚喜留待情人節、聖誕節再次呈現。而禁晚市堂食，幸得一班來自不同社區的街坊團購方得而維持。
| Tony’s Hell 地址: 佐敦文苑街38號地舖 電話: 57244537 IG：tonys_hell |
7.富東閣海鮮酒家－盆菜/賀年糕點救市
富東閣是可能全香港唯一良心酒樓，一開始疫情就生意大減，限聚令禁堂食更是趕絕飯市生意。一年來多得區內外街坊做團購片皮鴨救市，連小編都試過佢地出品外賣片皮鴨。新年推出盆菜/賀年糕點亦得不少朋友欣賞。
| 富東閣海鮮酒家 地址: 沙田瀝源街6號瀝源廣場1樓5號舖 電話: 26998333 |
8.吉壹野－落街買糖水！
吉壹野主打宵夜香脆可口炸物小食，不時提供芋圓西米露、芋圓紅豆沙、腐竹薏米、花生糯米糍等甜品糖水，令就算是返夜間或者需要OT的葵芳人都晚上都「有啖好食」！
| 吉壹野 地址: 葵芳盛芳街17號地舖 ig：@gut_one_yeah |
9.一燒窰－轉陣做午市
最近興玩突擊「封區」，油尖旺成為封區第一滴血，突然封又得，立即封亦得。旺角一燒窰自禁晚市堂食後都轉為午市經營，希望捱得過這整個寒冬。
| 一燒窰 地址: 旺角通菜街1A-1L號威達商業大廈地下J舖 電話: 51724217 IG：ichishiokama |
10.Yasaka 八坂 – Kong U人地膽推介！
Yasaka 八坂 原先主要客源為hku學生，的確於hku東閘行十分鐘就到。不過學校正實施online 授課，所以生意大受影響。為左救市保平安，推出外賣特價飯，如果行過路過都不妨支持一下。
| Yasaka 八坂 地址: 西環西營盤第三街133號豐盛大廈地下B號舖 電話: 28666279 IG：@yasakajpfood |
11.北豆 Bar & Grill－有機會於1月31日結業
一整年的禁堂食洗禮，酒吧更首當其衝。位於北角的北豆 Bar & Grill 店內黑板都時常手繪文宣，得到區內外人的支持！不過月中時小店告急，有機會於1月31日結業。
| 北豆 Bar & Grill 地址: 北角錦屏路35A號東發大廈B座地下 電話: 63394485 |
12.DOSE
位置於中環卑利街的Dose，店內情調感的霓虹燈，以晚餐及酒類為主，同時售賣手沖咖啡，本來店主希望將餐廳打造成high tea及happy hou好去處。好景不常，疫情令酒吧類食店都無法正常地營業，早前警員執法更專揀與政府立場不一致的食店，令Dose經營上都遇到不少困難！
| DOSE 地址: 中環卑利街28號地舖 電話: 27926588 IG：＠dose_peelstreet |
12.Seasons Restaurant & Bar
Seasons Restaurant & Bar是佐敦區內高質尼泊爾餐廳，佐敦一封大家都不敢前往，怕入左去有排先出得返黎，食物質素性價比高又平，主要推薦Pizza、餃子等尼泊爾風味。不過可能尼泊爾風味都不是香港人的習慣口味，不會當作日常餐食，所以餐廳多月來都冷冷清清。
| Seasons Restaurant & Bar 地址: 佐敦吳松街157號地下 電話: 27360885 |
13.初心食堂
初心食堂實在是葵廣搵食以外的高質選擇，出色的喇沙湯麵令人欲罷不能！喇沙擁有濃郁咖喱味 ，加上淡淡椰奶中和，掛上麵條滋味非常！
| 初心食堂 地址: 葵芳美芳街2-14號昌鴻大廈地下9號舖 電話: 91640967 IG：@sssdlaksa.hk |
13.PARK Cafe
呢間連周庭都推介過的大埔廣場PARK Cafe，店鋪細細不過勝在坐得幾舒服。最近捱不過疫情的寒冬，終於都打告急旗號！最多人推介小店出品之冬陰功軟殼蟹海鮮意粉，軟殼蟹炸成外脆內軟，香濃醬汁酸酸辣辣意粉感覺濕潤。
| PARK Cafe 地址: 大埔安泰路1號大埔廣場地下5號舖 電話: 96006003 |
14.心燒食堂
小編認識心燒食堂，由於心燒食堂腦細真係好識抽水。網上評價心燒食堂的出品質素都普遍地高，不過近月只做晚市外賣，有一天更生意創新低全日只得幾百蚊生意，出糧比員工都唔夠！有網民擔心佢地狀況，又團購又提議佢地做埋Lunch，真係好有愛！
| 心燒食堂 地址: 銅鑼灣駱克道487-489號駱克駅22-23樓 電話: 2383868 |
15.隆亨邨富記大牌檔
愈來愈少人留意屋村大牌檔，隆亨邨富記大牌檔雖然都有推盆菜，不過平日生意真是一落千丈，最近終於一次過告急post。不過有hater就借機評撃，而小店亦逐點擊破，大家可以留意一下小店的用心經營。
| 隆亨邨富記大牌檔 地址: 大圍隆亨村熟食亭5-12號舖 電話: 26963497 ig：@fu_ke |
16.泰基隆
面對突如其來的封區，位於深水埗的泰基隆上星期六午市己猶如清場狀態。FB文宣呢幾日拍晒烏蠅。冇乜生意。大家要多多去泰基隆嗌外賣，中午堂食去幫襯下佢地，一同支持同路人！
| 泰基隆 地址: 深水埗基隆街241號地舖 電話: 21101941 IG：@thaikilung |
17.桔梗
桔梗咖啡廳 JIEGENGE.HK是台灣來味道，由2019年開始已經成為大眾的焦點！不過旺角桔梗為保障客人和員工安全，經過負責人慎重的考慮後，旺角桔梗會於2021年1月25日起暫停營業。而2月會重新整理店鋪和主力銷售更多外賣及賀年產品，大家想支持可以轉向新年盆菜計劃或轉到牛頭角Lagom Kaffe 樂感或觀塘Not too Much Just Enough支持。
| 桔梗|咖啡廳 JIEGENGE.HK 地址：旺角砵蘭街160號地舖 (創興廣場後面） IG：@jiegenge.hk |
18.煲底海鮮火鍋料理
天寒地凍最好就係打邊爐，不過香港人連食火鍋權利都被禁，主打火鍋的食店真是坐食山崩。12月底煲底海鮮火鍋料理在社交平店宣布告急，推出跳樓價煲底2人套餐、煲底賀年套餐，希望可以捱得一日就一日。
| 煲底海鮮火鍋料理 地址: 尖沙咀金馬倫道38-40號金龍中心3樓 IG：meetatpot |