早前受限聚令所限，如今終於可以相約兩三好友飲茶食飯傾計。適逢行經沙田Home Sqaure選購家品，正好前往新開張的東海食飯。一行4人連早餐都未食，決意「有大食大」Order了沙田分店獨家的片皮鴨、士多啤梨蝦球鍋巴、松露石榴球松露，並同時重拾一盅兩件的點心樂趣。
講到一盅兩件，原來東海薈已經發展到一盅一件逐件order，以往一籠燒賣有4粒的光景不復見，換來的一粒一籠的的骰骰樣子。咸魚青菜各有喜好，想食就+1唔怕會食淨！
翡翠帶子燒賣（$18/粒）大大粒燒賣表面擺放帶子，豬肉餡中間包裹爽口蝦仁
Q版流沙奶皇包（$13/隻）印上卡通圖案
來到主菜有米魚，有米魚會選用沙巴龍躉或石班隨機供應，今次有幸遇上沙巴龍躉鋪上金黃色的炸脆米飯粒，食用時淋上鮮味的上湯，魚肉鮮甜爽滑。
松露石榴球松露真是一d都不失禮！入面雜菌亦是相當吸引！
而片皮鴨掌握火候得直，片皮鴨表面呈棗紅外皮，鮮豔油亮、皮脆肉嫩，上台前店員會純熟的手勢手起刀落將鴨肉切好一片片。
不消一會，鴨肉已經整齊地排列好，如果直接將鴨肉放入口，即時享受到酥脆香滑！
不過如果想食多種口感，可以以包餅皮放入京蔥、青瓜、海鮮醬、菠蘿一同食用，同時食到片皮鴨肉酥香、配菜上的爽脆及菠蘿的鮮甜於舌頭上味蕾上交織一起！
如果喜愛食咕嚕肉，一定要試試新Menu – 士多啤梨蝦球鍋巴，啖啖鮮蝦球裹上秘製脆漿脆炸，加上重點所在既士多啤梨濃厚醬汁及鍋巴托底，真係又香口又好味！