今個暑假真是焫焫焫焫焫焫著！天時暑熱如果可以品嘗到冰凍的雪糕/刨冰就透心涼，香港人鐘意食雪糕程度爆曬燈，FB「雪糕關注組」經常都會有激情的討論，一有特價雪糕杯，或者好味抵食雪糕，甚至新奇有趣的雪糕口味就會第一時間同大家分享，小編今日整合3款暑假限定不同口味及風格的雪糕，一定有一款合你心意！

當文歷餅店X公利竹蔗汁 8月限定聯乘！

當文歷餅店 自開幕後超受歡迎，不定時推出各種超吸睛的限定甜點，各位甜點控不可錯過！今個夏天亮點絕對是當文歷餅店 crossover 公利竹蔗汁製作 唔該蔗蔗竹蔗雪葩，甘蔗汁味道甘甜，擁有大量水分、豐富的蔗糖，加入雪葩製作口感綿密，味道有如大啖大啖吸解渴蔗汁，不過想試朋友要注意：今次限定口味只限H Queen’s 旗艦店及海港城當文歷餅店供應！

圖片來源：@foodie_and_the_feast、@harbourcity、dangwenlihk

當文歷餅店 H Queen’s店地址：中環皇后大道中80號H Queen’s地下2號舖 電話：34827735 營業時間：星期一至五 08:00 – 20:30；星期六至日 09:00 – 20:00 海港城店地址：尖沙咀廣東道3-27號海港城海運大廈地下OT G63A號舖 電話：26138618 營業時間：星期一至四 11:00 – 21:30；星期五至日11:00 – 21:00

甜姨姨 X 雞仔嘜聯乘大叔最愛！

甜姨姨不時會crossover 不同品牌/插畫師，推出不同口味刨冰，上次少女風紫薯口味又吸睛又IG-able，今次就反其道面行大走麻甩風格，口味為「大叔最愛茶走刨冰」，混合奶茶、煉奶，加上朱古力麻糬、豆腐泡泡，刨冰更混入芝麻穀物、提子乾及底層的奶茶雪糕，層次感十足！Order「大叔最愛茶走刨冰」， 只要出示你follow左雞仔嘜IG，會送雞仔嘜洗衣袋一個。不時更會有附送雞仔雞蛋仔，今次聯乘茶走刨冰會維持2-3個月，想試就要抓緊機會好好把握！

甜姨姨私房甜品 地址：銅鑼灣耀華街11號地舖 營業時間：星期一至日 12:30 – 22:00

純素雪糕！港式雞蛋仔+紅肉火龍果經典打卡！

加入茹素行列的朋友愈來愈多，食素都分好多類，有蛋奶素、全素等，不過素食者出街食個雪糕都左諗右諗，K11 musea呢間純素雪糕次次去都爆滿人客，每日都更換不同口味，而紅肉火龍果就最受ladies 們歡迎！7色繽紛水果加上雙色雪糕、雞蛋仔，灑上果仁粒粒勁有層次感，加上@damajuice 以熱帶雨林、木系及霓虹燈作裝飾，美食加美拍係打卡首選！

DAMA 地址：尖沙咀梳士巴利道18號Victoria Dockside K11 Musea 4樓411號舖 電話：95272033 營業時間：星期一至日 12:00 – 20:30

文章整理：Holaholi 好想放假