Chickeeduck 老闆自從表明立場後，很多商場店舖都不穫續租，分店由12間變得3間，除了分店員工無法繼續工作外，銷售形勢亦大不如前！雖然藝術生活百貨吸引不少同路人課金買野支持，不過原有貨源童裝銷路大減，老闆最近在Chickeeduck Facebook Page解釋現況，希望得到同路人支持，令公司共渡難關。Chickeeduck定價不低，不過其出品一向高質，為送禮自用的佳品！今次告急元朗黃店燒賣皇后送上暖意，推出買Chickeeduck送燒賣活動，仲要係價值$28嘅招牌香菇豬肉燒賣12粒裝，希望更多人會到Chickeeduck撐場！
Chickeeduck 在FB中交代生意近況，講解為何仍有MIC product、搵外地生產商的難處，而店鋪已由全港12間分店變成只有3間；燒賣皇后 老闆表示自己4個小朋友由細都喜愛Chickeeduck嘅童裝，同為本土品牌冇理由唔幫拖！
只要憑住即日起嘅Chickeeduck發票，由27/8起去到《燒賣皇后》元朗、黃埔同荃灣三間分店，就可以免費拎到一包價值$28嘅招牌香菇豬肉燒賣12粒裝！（圖：@linglingdolly）
元朗燒賣皇后屹立於元朗又新街多年，獲得大眾元朗國國民支持，亦成為宵夜小食街台柱，2019年老闆特別強調「燒賣是黃色的」，更是深得民心！（圖：元朗燒賣皇后FB、@dj_artshop）
元朗燒賣皇后近年衝出元朗，黃埔、灣仔、荃灣、旺角都有分店，不過今次優惠只此元朗、黃埔同荃灣三間分店，想支持就不要去錯！
| 元朗燒賣皇后 是次優惠：只要憑住即日起嘅Chickeeduck發票，由27/8起去到《燒賣皇后》元朗、黃埔同荃灣三間分店，就可以免費拎到一包價值$28嘅招牌香菇豬肉燒賣12粒裝 元朗店地址：元朗阜財街14號宏豐大廈地下11B及11C號舖 黃埔店地址：紅磡德民街2-34E號黃埔新邨地下4J號舖 荃灣店地址：荃灣荃興徑10-18號富榮大廈地下04號舖 |
文字整理：Holaholi 好想放假