將軍澳日日食美食廣場早前宣佈，場內因租約期滿最多捱多兩個月，但消息一出後大家就算山長水遠都過嚟支持，區內居民更是日日食，訓身支持！日日食美食廣場憑良心煮食，食店質素絕對有保證，大家隨便食一間都不會中伏，反而仲會好期待下次再來試其他新款美食！再者，日日食美食廣場答應大家會提升通風系統，希望引進更多不同款的美食，為熟客帶來新鮮感！於2021年10月23日至31日一連9日，會推出「香港人感謝祭」全場9折優惠，大家記得繼續支持啊！
美食推介1 – 柴石燒：平食石燒/原條鰻魚蛋包飯
早前市面的確興起一股石燒熱潮，不過最common都是只食石燒牛，原意是將牛肉放在石頭上烤，生熟自定悠然自得。不過將石燒呢個concept放入蒲燒鰻魚、頂級黑豚豬胺等食材應該比較少見！此舉一來令唔食牛的朋友都石享受到石燒的樂趣，兼價格親民，大家都afford到！
日式滑蛋鰻魚飯 配日式麵豉湯、日式胡麻醬沙律 $78 一個set入面有埋沙律，麵鼓湯同珍珠米飯，超級抵食！鰻魚選用大大條厚肉鰻魚，肉質口感軟腍綿密，加上香濃滑蛋配飯令成件事更完美；石燒鐵板可以選擇洋蔥油、蒜油或日式燒汁，食材透面除了有紐西蘭肉眼、安格斯牛之外，還有黑豚豬鞍扒的選擇，黑豚豬鞍定價稍高，全因店進採用優質豬胺因此肉質厚有口感、完全唔韌！
美食推介2 – 出爐 ：最強五寶燒鵝燒味飯！
專誠來 日日食美食廣場 打卡的大西北朋友可以未必第一次會選擇呢間，不過出爐 絕對是將軍澳打工仔及居民誠意推介！必食古法煙燻燒鵝，食落真係有陣煙燻味，而價格同樣親民！燒味可以隨便拼白飯、瀨粉或米粉！
不過識得食五寶燒味一定要配白飯！五寶分別有燒鵝、油雞、叉燒、紅腸同埋鹹蛋！燒鵝皮煙燻過皮脆而油脂十足，只是賣$68！另一重點推介就是招牌燒腩仔，燒腩仔透出脂香。表皮下豐腴多汁，肉質爽口嫩滑！
美食推介3- Upper Room：自家切薯條超有驚喜！
Upper Room是 日日食美食廣場 內唯一西餐，也是很多區外人打於之選。主打burger、薯條及意粉，當中美國安格斯牛肉漢堡配烤菇及慢煮雜菌松露雞堡最受歡迎，burger 內餡高汁，食落跟快餐店口感差天共地，因此不少朋友食過都大讚，而且每份burger 自帶附送一份手切連皮粗薯條，認真抵食！
慢煮雜菌松露雞堡 $60，內餡雞扒大大件原汁原味，慢煮烹煮因此肉質嫩滑！美國安格斯牛肉漢堡配烤菇兩者配合得相得益彰，烤菇的清新足以中和安格斯牛肉漢堡的油膩，是天衣無縫的組合！
美食推介4- 五一牛腩 Beef Brisket：包羅萬有五一窩！
牛腩麵、雲吞麵 是 香港人最愛街頭美食之一，五一牛腩 除牛腩外，亦有牛筋、牛肚、魚蛋、魚片等麵料選擇，想一網打盡可以五一窩，係選擇困難症的良心之選！
五一窩 $51 材料的確包羅萬有：牛腩、牛筋、牛肚、雲吞、魚蛋、牛丸、墨魚丸、魚片。每樣餸大概有一至兩件！
美食推介5- 珠記冰室：叉燒滑蛋飯
珠記冰室為觀塘出名良心小店，到將軍澳插旗後將名物：咖哩牛腩撈麵、豬扒炒出前一丁、粒粒午餐肉滑蛋飯，而最多食客支持的是滑滑的叉燒滑蛋飯，最佳快靚正的選擇！
叉燒滑蛋飯的滑蛋混入蔥去爆香，整體份量都不少滑蛋+叉燒，加上自己落的甜豉油。而想食得更邪惡，可以揀午餐肉丁炒滑蛋飯 ，粒粒午餐肉切成正方體，面頭灑上調味料黑椒。
美食推介6- 奶茶聯盟：阿華田爆脆火山
奶茶聯盟名物居然不是奶茶，竟然是阿華田爆脆火山 及 美祿恐龍？大大杯的阿華田爆脆火山 ，落足料，建議一路飲一路攪！而美祿恐龍有大家兒時最愛的美祿波波，睇落去好似恐龍背脊一樣！
| 日日食美食廣場 地址：將軍澳唐俊街18號The Parkside商場一樓 電話：3974 5085 營業時間：星期一至日08:00am-9:30pm |
文字整理：Holaholi 好想放假